Կազմակերպության զարգացման և դասընթացների ղեկավար
Աննա Ավետիսյան
Աննա Ավետիսյանը ԳՈւՄ ՀԿ-ում աշխատում է 2005թ.-ից` որպես կազմակերպության ինստիտուցիոնալ կարողությունների զարգացման և դասընթացների մասնագետ: Աննան ավարտել է Երևանի պետական բժշկական ակադեմիան, մասնագիտությամբ բժիշկ-դեղագետ է: 2005թ-ից առ այսօր Քաղաքացիական Շահերի Պաշտպանության Աջակցության Ծրագրի /ՔՇՊԱԾ-ի/ շրջանակներում Աննան ԳՈՒՄ ՀԿ-ի կազմակերպական զարգացման և դասընթացների ղեկավարն է:
2006թ-ից նա Քաունթերփարթ ինթերնեյշնլի դասընթացավարների թիմի սերտիֆիկացված դասընթացավար է և հանդիսանում է կազմակերպության հավաստագրման գործընթացի պատասխանատուն:
Որպես կազմակերպական զարգացման և դասընթացների ղեկավար` Աննան պատասխանատու է դասընթացների, խորհրդատվությունների կազմակերպման և իրականացման, ծառայությունների մատուցման ժամանակացույցի մշակման, դասընթացների, խորհրդատվությունների որակի և սպառողների բավարարվածության գնահատման, ոլորտային փորձագետների ընտրության և ծառայությունների պատվիրման համար: