REQUEST FOR INTEREST FOR CONDUCTING TRAININGS

19/03/2018

ԴԱՍԸՆԹԱՑՆԵՐ ՎԱՐԵԼՈՒ  ՀԵՏԱՔՐՔՐՎԱԾՈՒԹՅԱՆ  ՀԱՅՏԻ  ՆԵՐԿԱՅԱՑՄԱՆ ՀՐԱՎԵՐ

 

 

«Գործընկերություն և ուսուցում»/ԳՈՒՄ ՀԿ-ն «Հանրային խորհրդատվություն և հետազոտությունների կենտրոն» ՀԿ, «Երիտասարդները հանուն զարգացման» հիմնադրամի և «Աշխատանքի իրավունքի պաշտպանի (հաշտարարի) գրասենյակ» ՀԿ հետ համատեղ ԵՄ կողմից ֆինանսավորվող «Աջակցություն ՀՀ ՔՀԿ-ների կարողությունների հզորացմանը» ծրագրի (“STRONG CSOs” ծրագիր) փոքր դրամաշնորհային նախագծի շրջանակներում իրականացնում է «Երիտասարդները որպես համայնքային փոփոխությունների դերակատարներ» ծրագիրը, որի  շրջանակներում հրավիրում է անհատ փորձագետների/դասընթացավարների, խորհրդատուների և կազմակերպությունների՝ ներկայացնելու դասընթացներ վարելու ծառայությունների մատուցման վերաբերյալ հետաքրքրվածության հայտեր:

«Երիտասարդները որպես համայնքային փոփոխությունների դերակատարներ» ծրագիրը իրականացվում է Եվրոպական միության համաֆինանսավորմամբ:

Ծրագիրն ուղղված է հզորացնելու Գորիս և Ուրցաձոր  խոշորացված համայնքների երիտասարդների կարողությունները՝ բարձրացնելով նրանց դերը համայնքային զարգացման գործընթացներում:

Ծրագիրն իրականացվում է ՀՀ Սյունիքի և Արարատի մարզերում:

Խորհրդատվություն և դասընթացներ վարելու հետաքրքրվածության հայտերը և գնառաջարկները  պետք է ներկայացվեն ներքոնշյալ ծածկագրերով:

  • ԳՈՒՄ ՀԿ-2018/Դ/24 -«Համայնային նախաձեռնությունների պլանավորում երիտասարդական խմբերի համար» թեմայով խորհրդատվություն /24 ժամ/,
  • ԳՈՒՄ ՀԿ-2018 /Դ / 25 –<< Բանակցությունների հմտություններ.համագործակցության կառուցում >> թեմայով դասընթաց /2 օր՝ 10 ժամ/,
  • ԳՈՒՄՀԿ-2018/Դ/26-<< Կազմակերպական կառավարում >>թեմայով դասընթաց /2 օր՝ 10 ժամ /,
  • ԳՈՒՄ ՀԿ-2018 /Դ/ 27 -<< Ռազմավարական պլանավորում >> թեմայով դասընթաց /2 օր՝ 10 ժամ/,
  • ԳՈՒՄ ՀԿ-2018 /Դ/ 28 -<< Դասընթաց դասընթացավարների համար >> թեմայով դասընթաց /3 օր՝ 15 ժամ/,

Մրցույթին կարող են մասնակցել անհատ դասընթացավարներ, խորհրդատուներ և ՀՀ-ում գրանցված կազմակերպություններ, որոնք  վերոնշյալ ծառայությունները մատուցելու համար ունեն համապատասխան որակավորում (ինքնակենսագրական թերթիկ (CV), համապատասխան վկայագրերի, դիպլոմների հղումներ (եթե առկա են) և այլ հիմնավորող փաստաթղթեր, նմանատիպ հանձնարարության նկարագրություն, համապատասխան փորձի և հմտությունների առկայություն և այլն)։

Մասնակցելու վերաբերյալ հետաքրքրվածության հայտերը անհրաժեշտ է ուղարկել մինչև 01.04.2018թ., ժամը 23:00 -ն՝ [email protected]  հասցեով:

Հարցերի դեպքում մասնակիցները կարող են դիմել ԳՈՒՄ ՀԿ Դասընթացների և ԿԶ ղեկավար Աննա Ավետսիյանին՝ [email protected] էլեկտրոնային հասցեով կամ զանգել 094195524 հեռախոսահամարով:

Նշված ժամկետից ուշ ներկայացված դիմումները չեն դիտարկվի: