ՊՈԵԶԻԱՅԻ ԱՍՄՈՒՆՔԻ ԱԶԳԱՅԻՆ ՄՐՑՈՒՅԹԻ ԱՄՓՈՓՈՒՄ
Մայիսի 7-ին Ամերիկյան Համալսարանում տեղի ունեցավ Պոեզիայի Ասմունքի Ազգային Մրցույթի եզրափակիչ փուլը: Այս տարի մրցույթը կազմակերպվել էր Խաղաղության կորպուսի կամավորների և «Գործընկերություն և ուսուցում» ՀԿ- ի համատեղ ջանքերով:
Մրցույթի եզրափակիչ փուլի բացման և ողջույնի ելույթներով հանդես եկան Խաղաղության կորպուսի կամավոր Դառլին Մոնռեոն և ԳՈՒՄ ՀԿ-ի աշխատակից Լիլիթ Ավետիսյանը: Այնուհետև խոսքը փոխանցվեց ԳՈՒՄ ՀԿ-ի տնօրեն Արտաես Տոռոզյանին, ով ջերմորեն ողջունեց բոլոր ներկաներին, քաջալերեց մասնակիցներին և շնորհակալություն հայտնեց բոլոր այն կազմակերպություններին, որոնք իրենց ներդրումն էին ունեցել մրցույթի կազմակերպման ընթացքում:
Պոեզիայի Ասմունքի Ազգային Մրցույթի նպատակն է օգնել միջնակարգ և հիմնական դպրոցների աշակերտներին զարգացնելու իրենց հանրային խոսքի հմտությունները, քննադատական մտածողությունը, անգլերենի իմացությունը, մշակութային իրազեկվածությունը:
Այս տարի մրցույթին մասնակցել է ավելի քան 400 աշակերտ Հայաստանի բոլոր մարզերից, որից 50 աշակերտ հանդես եկավ եզրափակիչ փուլում:
Յուրաքանչյուր տարիքային խմբում աշակերտները զբաղեցրեցին առաջին, երկրորդ և երրորդ հորիզոնականները: Ընդհանուր թվով 18 աշակերտներ արժանացան 1-ին, 2-րդ և 3-րդ մրցանական տեղերին և խրախուսական նվերներ ստացան: