ՓՈՐՁԱԳԻՏԱԿԱՆ ԱՇԽԱՏԱՆՔ ԿԱՏԱՐԵԼՈՒ ՀԵՏԱՔՐՔՐՎԱԾՈՒԹՅԱՆ ՀԱՅՏԻ ՆԵՐԿԱՅԱՑՄԱՆ ՀՐԱՎԵՐ
«Գործընկերություն և ուսուցում»/ԳՈՒՄ ՀԿ-ն «Իրավաբանների հայկական ասոցիացիա» ՀԿ-ի կողմից Եվրոպական միության ֆինանսական աջակցությամբ իրականացվող «Կառուցողական երկխոսության հանձնառություն» ծրագրի շրջանակներում տրամադրված «Հասանելի բուհական կրթություն» ենթադրամաշնորհային ծրագրով հրավիրում է անհատ փորձագետներին և կազմակերպություններին՝ ներկայացնելու փորձագիտական աշխատանք իրականացնելու ծառայությունների մատուցման վերաբերյալ հետաքրքրվածության հայտեր:
Ծրագրի նպատակն է նպաստել Սյունիքի մարզի բարձրագույն ուսումնական հաստատություններում կրթաթոշակների և ֆինանսական աջակցության քաղաքականության բարելավմանը՝ հանրային մոնիթորինգի և ջատագովության միջոցով:
Ծրագիրն իրականացվում է ՀՀ Սյունիքի մարզի Գորիս, Սիսիան և Կապան համայնքներում։
Փորձագետը պետք է կազմի համալսարանական կրթական ծրագրերի և համալսարանում առկա այլ ակադեմիական հնարավորությունների հայտարարությունների՝ միջազգային չափանիշներին համապատասխան տեքստեր գրելու վերաբերյալ ուղեցույց, այդ թվում՝
- մագիստրոսական կրթական ծրագրերի վերաբերյալ հայտարարության օրինակելի նմուշի կազմում,
- ասպիրանտական կրթական ծրագրի վերաբերյալ հայտարարության օրինակելի նմուշի կազմում,
- ամառային դպրոցի հայտարարության օրինակելի նմուշի կազմում,
- ինչպես նաև կրթական ու ակադեմիական ծրագրերի մասին հայտարարությունները շրջանառելու արդյունավետ մեխանիզմների մասին ուղեցույց։
Մրցույթին կարող են մասնակցել անհատ փորձագետներ և ՀՀ-ում գրանցված կազմակերպություններ, որոնք վերոնշյալ ծառայությունները մատուցելու համար ունեն համապատասխան որակավորում (ինքնակենսագրական թերթիկ (CV), համապատասխան վկայագրերի, դիպլոմների հղումներ (եթե առկա են) և այլ հիմնավորող փաստաթղթեր, նմանատիպ հանձնարարության նկարագրություն, համապատասխան փորձի և հմտությունների առկայություն և այլն)։
Մասնակցելու վերաբերյալ հետաքրքրվածության հայտերը անհրաժեշտ է ուղարկել լրացված գնային առաջարկի տեսքով՝ մինչև 28.02.2019թ., ժամը 23:00 -ն՝ [email protected] հասցեով:
Հարցերի դեպքում մասնակիցները կարող են դիմել ԳՈՒՄ ՀԿ Ծրագրերի զարգացման ղեկավար Աննա Դանիելյանին` [email protected] էլեկտրոնային հասցեով կամ զանգել 077231733 հեռախոսահամարով:
Նշված ժամկետից ուշ ներկայացված դիմումները չեն դիտարկվի:
Ստորև ներկայացված հղմամբ կարող եք տեսնել գնային առաջարկի ձևանմուշը.
http://gumiso.am/wp-content/uploads/2019/02/Գնային-առաջարկ.docx