«ՄՇԱԿՈՒՅԹԸ ՀԱՆՈՒՆ ԸՆՏԱՆԻՔՆԵՐԻ ՊԱՇՏՊԱՆՈՒԹՅԱՆ» ԲԱՐԵԳՈՐԾԱԿԱՆ ՑՈՒՑԱՀԱՆԴԵՍ-ՎԱՃԱՌՔ ԳՈՐԻՍՈՒՄ

 

 

 «Գործընկերություն և ուսուցում»/ԳՈՒՄ ՀԿ-ն Գորիսի քաղաքային պատկերասրահի և սոցիալական ոլորոտւմ գործունեություն ծավալող հասարակական կազմակերպությունների համագործակցությամբ ու աջակցությամբ Գորիս համայնքում կազմակերպում է «Մշակույթը հանուն ընտանիքների պաշտպանության» խորագիրը կրող  բարեգործական ցուցահանդես-վաճառք:

Ցուցահանդես-վաճառքը նպատակ ունի՝

  • Աջակցել Սյունիքի մարզի ստեղծագործողներին հասարակությանը ներկայանալու իրենց աշխատանքներով:
  • Նպաստել Գորիս համայնքի սոցիալապես անապահով  ընտանիքների  համար տնտեսական զարգացման  հնարավորությունների  ստեղծմանը:

Ցուցահանդես- վաճառքը  կտարբերվի  նախկինում  կազմակերպված մյուս ցուցահանդեսներից, քանի որ վաճառքից գոյացած գումարների 15%-ը կնպատակաուղղվի ԳՈՒՄ ՀԿ-ի կողմից իրականացվող «Շահագրգիռ կողմերը ընտանիքի պաշտպանության դերակատարներ» ծրագրի շահառու  ընտանիքների  տնտեսական խնդիրների լուծմանը:

Ցուցահանդես-վաճառքին իրենց մասնակցությունը կարող են ունենալ բոլոր այն անձինք կամ կազմակերպությունները, որոնք ունեն ստեղծագործական աշխատանքներ: Ցուցահանդեսին կներկայացվեն արվեստի և մշակութային իրեր` նկարներ, քանդակներ, փայտե աշխատանքներ, գոբելեն, մակրոմե, ասեղնագործության և այլ ձեռքի աշխատանքներ:

Այն անձիք և կազմակերպությունները, ովքեր հետաքրքրված են իրենց աշխատանքները ներկայացնելու ցուցահանդես-վաճառքին, կարող են դիմել մինչև ս.թ. փետրվարի 23-ը՝ զանգահարելով (+374 93) 28 79 02 հեռախոսահամարով (Գորիսի քաղաքային պատկերասրահի տնօրեն Ժիրայր Մարտիրոսյան):

Ցուցահանդես-վաճառքը տեղի կունենա Գորիսի քաղաքային պատկերասրահում մարտի  2-ին, ժամը 15:00-ին:

 

            Մասնակցելով ցուցահանդես-վաճառքին՝ նպաստենք խոցելի ընտանիքների բարեկեցությանը

Ցուցահանդես-վաճառքը կազմակերպվում է «Շահագրգիռ կողմերը ընտանիքի պաշտպանության դերակատարներ» ծրագրի շրջանակներում: Ծրագիրը իրականացվում է Ներդաշնակ հասարակություն «Սոցիալական աշխատողների հայկական ասոցիացիա» ՀԿ-ի միջոցով Եվրոպական միության և Ավստրիական զարգացման համագործակցության ֆինանսական աջակցությամբ:

Շահառու ընտանիքների  և ծրագրի վերաբերյալ  լրացուցիչ տեղեկատվություն ստանալու համար կարող եք զանգահարել հետևյալ հեռախոսահամարով՝ 077 231733 Աննա Դանիելյանին: