«ՀԿ ծառայություններ մատուցող կազմակերպությունները հանուն քաղաքացիական հասարակության զարգացման» ծրագիր
ԾՐԱԳԻՐ ԱՌԱՋԱՐԿ ՆԵՐԿԱՅԱՑՆԵԼՈՒ ՀՐԱՎԵՐ
05 օգոստոս, 2017թ.
ՀՀ, Սյունիքի մարզ, ք. Գորիս
ՀՀ, ք. Երևան
«Գործընկերություն և ուսուցում»/ԳՈՒՄ ՀԿ-ն ԱՄՆ ՄԶԳ-ի կողմից ֆինանսավորվող «ՀԿ ծառայություններ մատուցող կազմակերպությունները հանուն քաղաքացիական հասարակության զարգացման» ծրագրի շրջանակներում հայտարարում է թիրախ մարզերում Քաղաքացիական հասարակության կառույցների/այսուհետ՝ ՔՀԿ/, Տեղական ինքնակառավարման մարմինների/այսուհետ՝ ՏԻՄ/ և Բիզնես կառույցների/այսուհետ՝ Բիզնես/ միջև համագործակցության ձևավորմանն ու խթանմանն ուղղված դրամաշնորհային մրցույթ:
Մրցույթին կարող են մասնակցել Սյունիքի, Վայոց ձորի, Գեղարքունիքի, Արարատի, Արմավիրի, Արագածոտնի և Կոտայքի մարզերի ծրագրի մասնակից[1] տեղական ՔՀԿ-ները: Ոչ ֆորմալ խմբերը ծրագրին կարող են մասնակցել ծրագրի մասնակից պետական գրանցում ունեցող կազմակերպությունների հետ համատեղ: Ցանկը կցվում է:
Ստորև ներկայացված են Դրամաշնորհային ծրագրի նպատակը, խնդիրները, ծրագիր առաջարկ գրելու ուղենիշները, ծրագիր առաջարկի կառուցվածքը, վերջինիս ներկայացվող պահանջները, ծրագիր-առաջարկների գնահատման և ընտրության ընթացակարգը և չափանիշները:
I.ՆՊԱՏԱԿ
Աջակցել թիրախ մարզերում ՔՀԿ-ների, ՏԻՄ-երի և Բիզնեսի միջև համագործակցությանը՝ խթանելով համայնքային նախաձեռնությունների համատեղ իրականացումը:
ԽՆԴԻՐՆԵՐ
- Խթանել արդյունավետ երկխոսություն ՔՀԿ-ների, ՏԻՄ-երի և Բիզնեսի միջև
- Զարգացնել ՔՀԿ-ՏԻՄ-Բիզնես համագործակցային աշխատանքի մոդելը
- Աջակցել թիրախ մարզերի համայնքային հիմնախնդիրների լուծմանը՝ ՔՀԿ-ՏԻՄ-Բիզնես համագործակցության արդյունքում:
Սույն նպատակից և խնդիրներից ելնելով՝ ծրագրի այս փուլում նախատեսվում է տրամադրել թվով 7 դրամաշնորհ` Սյունիքի, Վայոց ձորի, Գեղարքունիքի, Արարատի, Արմավիրի, Արագածոտնի և Կոտայքի մարզերի ծրագրի մասնակից ՔՀԿ-ներին: Ներկայացվող ծրագիր առաջարկները պետք է ուղղված լինեն թիրախ մարզերում ՔՀԿ-ների և ՏԻՄ-երի և Բիզնես սեկտորի համագործակցությամբ համայնքային հիմնախնդիրների լուծմանը: ՔՀԿ-ները կարող են հանդես գալ նաև կոալիցիոն ծրագիր առաջարկներով:
Համայնքային հիմնախնդիրները կարող են ընտրվել թիրախ մարզերում ՔՀԿ–ների, ՏԻՄ–երի և բիզնես սեկտորի ներկայացուցիչների կողմից ս/թ հուլիս ամսին Գորիսում, Աշատարակում և Գավառում տեղի ունեցած տարածաշրջանային համաժողովների արդյունքում վեր հանված հիմնախնդիրներից, որոնց ցանկը ըստ տարածաշրջանների կցվում է: Համայնքային հիմնախնդիրների ընտրությունը չի սահմանափակվում ներկայացված ցանկով, ՔՀԿ–ները կարող են հանդես գալ նաև այլ հիմնախնդիրների լուծմանն ուղղված ծրագիր առաջարկներով:
Սույն դրամաշնորհային ծրագրերը կմեկնարկեն ոչ շուտ քան 2017թ-ի սեպտեմբերի 15-ը: Սույն դրամաշնորհային ծրագրերի իրականացումը պետք է ավարտված լինի ոչ ուշ, քան 2017թ.-ի հոկտեմբերի 31-ը:
III. Ծրագիր առաջարկ գրելու ուղենիշներ ու պահանջվող փաստաթղթեր
Այս բաժնում ներառված են ծրագիր առաջարկի կառուցվածքը և փաթեթում պահանջվող փաստաթղթերի շարքը:
Այն ծրագիր առաջարկները, որոնք չեն ընդգրկում պահանջվող ողջ տեղեկատվությունը, գերազանցում են էջերի թույլատրելի սահմանը կամ չեն համապատասխանում ներկայացված ուղենիշներին, չեն քննարկվի:
[1] Ծրագրի մասնակից համարվում են այն 153 ՔՀԿ-ները, որոնք ներկայացրել են ծրագրի մասնակցության հայտ և մասնակցում են ԳՈՒՄ ՀԿ-ի կազմակերպած դասընթացներին ու կարողությունների զարգացման այլ միջոցառումներին:
Ստորև կցված են ծրագիր առաջարկ ներկայացնելու բոլոր ձևաչափերը՝