ՄԱՍՆԱԿՑՈՒԹՅԱՆ ՀՐԱՎԵՐ
«Քաղաքացիական հասարակության կազմակերպությունների դերը
համայնքային զարգացման գործընթացներում»
թեմայով մարզային ֆորում
Հարգելի գործընկեր,
«Գործընկերություն և ուսուցում»/ԳՈՒՄ ՀԿ-ն ԱՄՆ ՄԶԳ-ի կողմից ֆինանսավորվող
«ՀԿ Ծառայություններ մատուցող կազմակերպությունները հանուն քաղաքացիական
հասարակության զարգացման» ծրագրի շրջանակներում հրավիրում է Ձեզ մասնակցելու
«Քաղաքացիական հասարակության կազմակերպությունների դերը համայնքային
զարգացման գործընթացներում» թեմայով մարզային ֆորումին:
Ֆորումը Արարատի և Արմավիրի մարզերի համար տեղի կունենա հունիսի 27-ին,
ժամը 12:00-ին Մասիս քաղաքում՝ Մասիսի զարգացման հիմնադրամում (հասցե՝ ք. Մասիս,
Հանրապետության 11):
Ֆորումը Գեղարքունիքի մարզի համար տեղի կունենա հունիսի 28-ին, ժամը 12:00-ին Գավառ քաղաքում՝ Զագի Ձոր ռեստորանային համալիրում:
Ֆորումը Արագածոտնի և Կոտայքի մարզերի համար տեղի կունենա հունիսի 29-ին,
ժամը 12:00-ին Աշտարակ քաղաքում՝ Քաղաքապետարանի ավագանիների նիստերի
դահլիճ (hասցեն՝ ք. Աշտարակ, Ներսես Աշտարակեցու հրամարակ 7):
«Քաղաքացիական հասարակության կազմակերպությունների դերը համայնքային
զարգացման գործընթացներում» թեմայով մարզային ֆորումները նպատակ ունեն՝
1. Ներկայացնել ՔՀԿ համագործակցային և ցանցային աշխատանքի
առավելությունները համայնքային զարգացման գործընթացներում
2. Ձևավորել խմբեր ոլորտային ՔՀԿ-ներից և ոչ ֆորմալ խմբերից
3. Վեր հանել համայնքային զարգացման ոլորտում առկա հիմնախնդիրները և
խմբավորել դրանք:
Մարզային ֆորումներին կմասնակցեն Արարատի, Արմավիրի, Գեղարքունիքի, Արագածոտնի և
Կոտայքի մարզերի քաղաքացիական հասարակության կազմակերպությունների և ոչ
ֆորմալ խմբերի ներկայացուցիչներ, ԱՄՆ ՄԶԳ-ի հայաստանյան գրասենյակի
ներկայացուցիչներ:
Ֆորումի արդյունքում ոլորտային ՔՀԿ-ներն ու ոչ ֆորմալ խմբերը կհավաքագրեն
համայնքային հիմնախնդիրների լուծմանն ուղղված համագործակցային
առաջարկություններ:
